"مشروع منتجات الكروشية"

                                 السلام عليكم ورحمة الله

اليوم موعدنا مع فكرة مشروع جديدة فى سلسلة مشاريع من المنزل, مشروع اليوم هو "مشروع منتجات الكروشية".

 

كثير من ربات البيوت تعلمت فن الكروشية وتستعمله فى حياتها المنزلية وتسطيع ان تصنع ملابس لاطفالها , واكسسورات لمنزلها , وملابس لزوجها, فلماذا تكتفى بذلك , لماذا لاتفكرى عزيزتى ربة المنزل فى ان يكون هذا الفن الذى تمتلكين موهبته عمل لكى ومصدر رزق , الامر ببساطة اعرضى خدماتك على جيرانك واصحابك واقاربك انكى على استعداد لتنفيذ منتجات كروشية باسعار رمزية لهم , وعند عمل اى منتج صوريه واعملى البوم صور على جهاز الهاتف لشغلك ودايما اعرض جديد شغلك على معارفك المهتمين.
السؤال الان : كيف نحسب سعر البيع للمنتجات التى نصنعها؟
الاجابة ببساطة : نحسب سعر تكلفة الخيوط + سعر الوقت المستهلك فى العمل + هامش ربح = سعر البيع
مثال : عملنا مفرش لتربيزة :

 
احتجنا 2 بكرة خيط سعر البكرة 10ج يكون حساب الخيط 20ج
اشتغلنا 3 ساعات لعمل المفرش نحسب ساعة العمل 5ج وده سعر ثابت فى كل المنتجات
سعر الوقت 15ج
هامش الربح ليكن 10ج
بكده يكون سعر المفرش : 20+15+10 = 45ج

وطبعا ده مثال للتوضيح مش ارقام حقيقية
ولكن هل سنكتفى فى مشروعنا بالمعرف , بالطبع لا , النت فتح لنا مجالات كتيرة , ممكن نعمل صفحة على الفيس او جروب , وكمان ممكن نعمل مدونة ونعرض فيها شغلنا وتكون متجر صغير على النت , واعرضى صور منتجات تم انتاجها بالفعل على النت او صور منتجات ممكن تصنيعها , واهم حاجة اتقان عملك لان منتجاتك ستكون دعاية لك وستتكلم عنك اما الناس فاتقنى عملك تكسبى عملاء.

ومنتجات الكروشية متنوعة ملابس واكسسورات ومستلزمات للمنزل والديكور ويمكنك عمل بحث على النت واكتشاف الكثير من الافكار عن منتجات من الكروشية.

بالطبع فكرة المشروع ممكن تطبيقها على هواية التريكو وليس الكورشية فقط .

 

اتمنى ان تكون فكرة المشروع نالت اعجابكم, مع تحيات مدونة عملك من منزلك